BOLSAS DE IDIOMAS DE "FUNDESFOR"

A "Fundación para o Desarrollo de la Formación en las zonas mineras del Carbón", oferta unha nova convocatoria do programa de Axudas e Bolsas en Zonas Mineiras do Carbón aos concellos do "Plan da mineria do Carbón", no que está incluido o Concello de Carballo.

O programa de Bolsas de Idiomas oferta 1500 bolsas para cursos de idiomas no extranxeiro e 400 cursos de idiomas en España (adicionalmente adxudicaránse ata 120 bolsas que se deducirán das 1500 para os solicitantes de primaria) e pretende facilitar a aprendizaxe e o perfeccionamento daqueles idiomas da Unión Europea que representan as linguas faladas pola inmensa maioria dos seus habitantes. Os paises onde se poden realizar estes cursos no extranxeiro son : Reino Unido, Irlanda, Francia, Alemania e Italia.

Os cursos que se realicen no extranxeiro poden acadar unha dotación máxima de 2.725 euros ou en réxime aberto de 1.135 euros.

Os beneficiarios deste programa, xuventude (maiores de 12 anos para os programas no extranxeiro e maiores de 10 anos para os programas en España) e traballadores menores de 30 anos de toda España, poderán presentar as solicitudes xunto coa documentación requerida ata o vindeiro 30 de xaneiro. Valoraráse positivamente a súa vinculación coa mineria, o nivel de renda familiar e a situación de orfandade absoluta.

As bases e os impresos desta convocatoria poden consultarse na Concelleria de Cultura do Concello de Carballo, ou no teléfono 981704300. Ademáis pódese consultar este programa de axudas e bolsas na páxina web http://www.fundesfor.com/ , no correo electrónico programa@fundesfor.com , no teléfono 913964921/32. As solicitudes dirixiránse á Secretaria Técnica e administrativa do "Programa de Axudas e Bolsas da Fundación para el desarrollo de la Formación en las Zonas mineras del Carbón", na rúa Velázquez. 130 bis Bloque 3, 1ª planta 28006 Madrid.