O CLAUSTRO DE PROFESORES

O Claustro de Profesores.

O Claustro de Profesores, presidido polo Director, está integrado pola totalidade do profesorado que presta servizo docente no Centro.

O Claustro é o órgano de participación do profesorado e ten a responsabilidade de planificar, coordinar, decidir e informar sobre os aspectos docentes do Centro, sendo a súa función primordial a de impartir a docencia a todas as alumnas e alumnos.

Reúnese ao ano en 3 ou 4 ocasións o Claustros (trimestralmente) para realizar propostas ao Plan do Centro, revisar normas de funcionamento, achegar criterios ao calendario escolar, ser informado da xestión do Centro, aprobar os aspectos académicos e docentes da programación Xeral Anual e a memoria do curso...

Funcións e competencias do Claustro de Profesores:

-Impartir a docencia directa aos alumnos e alumnas.

-Elevar propostas para elaborar o Proxecto Educativo e a Programación Xeral Anual.

-Establecer criterios para elaborar os Proxectos curriculares, aprobalos e avalialos e decidir sobre as súas modificacións.

-Aprobar e avaliar os aspectos docentes da Programación Xeral Anual así como a memoria final de curso.

-Aprobar os criterios pedagóxicos para elaborar os horarios do alumnado e do profesorado.

-Aprobar a planificación xeral das sesións de avaliación.

-Coordinar as orientación, tutoría, avaliación e recuperación do alumnado. promover iniciativas no ámbito da experimentación e da investigación pedagóxica.

-Elaborar o plan de formación do profesorado do Centro, segundo a proposta da Comisión de coordinación Pedagóxica.

- Elixir os seus representantes no Consello Escolar.

-Analizar e valorar trimestralmente a marcha xeral do Centro e a situación económica.

-Analizar e valorar a evolución do rendemento escolar xeneral do centro, segundo o resultado das avaliacións.