NOTA INFORMATIVA OS PAIS, NAIS E TITORES

Estimados Pais, Nais e Titores:

A ANPA “A CASILLA” quere manifestar o seguinte:
Nestes últimos meses e aproveitando o período vacacional, preséntanse ante a opinión pública e baixo a premisa de “austeridade en época de crise”, unha serie de recortes orzamentarios que pensamos que vai perxudicar gravemente ao ensino público.

Elimínase o sistema de préstamo de libros de texto (outra conquista das APAs de Galicia) co consecuente quebranto económico para as familias, suprímense postos laborais de profesores xeneralistas e especialistas, así como os de apoio para alumnos con necesidades especiais, agrúpanse alumnos de infantil e primaria e un longo etcétera, todo iso sen criterios pedagóxicos, sen unha análise previa da situación e ignorando ás organizacións que representan á Comunidade Educativa.

Como contestación inmediata a estas accións a CONFAPA GALICIA (Confederación Gallega de APAs de Centros Públicos) anunciános o comezo dunha serie de actuacións encamiñadas a manifestar a nosa máis rotunda oposición a calquera modificación que supoña un paso atrás na consecución dun sistema educativo igualitario, integrador e compensador de desigualdades. A esta iniciativa están convidados tódolos centros de Galicia.

Por iso, A ANPA CONVOCÁMOSVOS A UNHA CONCENTRACIÓN PACÍFICA, DURANTE 10 MINUTOS Á ENTRADA DO NOSO CENTRO O PRÓXIMO DÍA 29 DE SETEMBRO (MARTES) ÁS 12 HORAS BAIXO A LEMA.

¡NIN UN PASO ATRÁS!

No noso caso particular, estamos a loitar por un novo profesor de Pedagoxia Terapéutica (Pedagoxia Terapéutica, este apoio está dedicado a aqueles alumnos que por necesidades específicas de apoio educativo, teñen dificultades na aprendizaxe e non seguen a marcha da clase), como sabedes este profesional é fundamental para o seguimento dos nenos con estos problemas, aínda que o colexio correspondelle un, debido os casos existentes, no pasado curso contábamos con 3 e neste con 1, polo que non se van poder atender tódolos casos como lle corresponde.
Ante tan grave acontecemento PEDIMOS A TODOLOS PAIS, NAIS, TITORES E FAMILIARES QUE ACUDADES A ESTA CONCENTRACION, NON SE TRATA DE POLITICA, senón de defender uns dereitos que consideramos son fundamentais para que os noso fillos e fillas, sexan atendidos con uns mínimos xustos no ensino público.

ESTE É O MOMENTO DE COLABORAR, POR ESO PEDIMOS A TUA PRESENZA.

¡ NON FALTES, A EDUCACION DO TEU FILLO E FILLA DEPENDE DE TI !


.